എന്റെ ക്ലാസ്സിലെ ‘മോഹന്‍ലാല്‍’

എല്ലാ അര്‍ത്ഥത്തിലും മോഹന്‍ലാലിന്റെ ‘ഡ്യൂപ്പ്’. ഞങ്ങള്‍ അവനെ മോഹന്‍ലാല്‍ എന്നു വിളിച്ചു. രാജേഷ് എന്ന പേര് പിന്നെ ആരും ഓര്‍ത്തുപോലുമില്ല. ‘എടാ മോഹന്‍ലാലേ..’ എന്ന വിളിക്ക് കൃത്യമായ പ്രതികരണമുണ്ടായിരുന്നു. മോഹന്‍ലാല്‍ എന്നൊരു മഹാനടനുണ്ടെന്ന് ഞങ്ങള്‍ക്ക് മനസ്സിലാക്കിത്തന്നത് അവനാണ്. ….read more

വേദി നമ്പര്‍ 1015!!!

സ്ഥിരം നാടകവേദികള്‍ക്ക് അപ്പുറം വീടുകളിലും ഓഫിസുകളിലും ക്യാംപസുകളിലും വിവാഹം, ജന്‍മദിനം, ഗ്യഹപ്രവേശം, കുടുംബസംഗമം തുടങ്ങിയ സ്‌നേഹക്കൂട്ടുകളിലുമാണ് പ്രേമലേഖനം അവതരിപ്പിക്കപ്പെട്ടത്. ഇതു തന്നെയാണ് ഈ നാടകത്തിന്റെ വിജയവും. എപ്പോഴും എവിടെയും രാപകല്‍ ഭേദമന്യേ അമലും ലക്ഷ്മിയും പ്രേമലേഖനം അവതരിപ്പിച്ചു നടന്നു. ഒടുവില്‍ ഞാനും പ്രേമലേഖനം കണ്ടു. തിരുവനന്തപുരം ഗവ. ഫൈന്‍ ആര്‍ട്‌സ് കോളേജില്‍ നടക്കുന്ന ദേശീയ കലാ ക്യാമ്പിനോടനുബന്ധിച്ച് കേശവന്‍ നായരും സാറാമ്മയും വീണ്ടും അരങ്ങിലെത്തി. 2018 ജനുവരി 16 -വേദി നമ്പര്‍ 1015!!! പുതുവര്‍ഷത്തിലെ ആദ്യ അവതരണം….

ടൊവിനോ… നീ അടിപൊളിയല്ലേ!!

വന്നപാടെ അവന്‍ എന്നെ കെട്ടിപ്പിടിച്ചു. സ്‌നേഹത്തിന്റെ ഊഷ്മളത എനിക്ക് അനുഭവപ്പെട്ടു. കുശലാന്വേഷണങ്ങള്‍ക്കു ശേഷം പ്രധാന ചോദ്യം വന്നു -‘പടം എങ്ങനുണ്ട്.’ എന്റെ മറുപടി -‘നന്നായി. എനിക്കിഷ്ടമായി’. ‘ഞാനോ?’ -നിഷ്‌കളങ്കമായ ചോദ്യം. ‘മാത്താ നീ അടിപൊളിയല്ലേ’ -സിനിമയില്‍ അപര്‍ണയുടെ ഡയലോഗ് ഞാന്‍ ആവര്‍ത്തിച്ചപ്പോള്‍ നിറഞ്ഞ ചിരി. മാത്തന്‍ ചിരിച്ച അതേ ചിരി. അപ്പോഴേക്കും ആരാധകര്‍ ചുറ്റും കൂടി. സെല്‍ഫിയുടെ ബഹളം. ….read more

അതികായനൊപ്പം 5 നാള്‍…

‘എനിക്കൊരു കാപ്പി കൂടി വേണം’ -നമ്മളെല്ലാം ചോദിച്ചിട്ടുണ്ട്. ചോദിക്കാറുണ്ട്. ഒരു കാപ്പി കുടിച്ചതിനു ശേഷം വീണ്ടുമൊന്നു കൂടി ചോദിക്കുകയാണ്. അങ്ങനെ ചോദിക്കുന്നതിന് നമ്മുടേതായ കാരണമുണ്ടാവാം. വെളിപ്പെടുത്തണമെന്ന് നിര്‍ബന്ധമില്ല. എന്നാല്‍, ഇങ്ങനെ രണ്ടാമത്തെ കാപ്പി ചോദിക്കുന്നത് വേദിയിലെ കഥാപാത്രമാണെങ്കിലോ? അയാള്‍ എന്തിന് രണ്ടാമതൊരു കാപ്പി ചോദിച്ചു എന്നത് ആ ചോദ്യം വരുന്ന നിമിഷം തന്നെ പ്രേക്ഷകര്‍ക്ക് മനസ്സിലാവണം. അയാള്‍ക്ക് തലവേദനയാണോ? അയാള്‍ക്ക് തൊണ്ട വേദനയാണോ? അതോ ആദ്യത്തെ കാപ്പി വല്ലാതിഷ്ടപ്പെട്ടതു കൊണ്ടാണോ? എന്തുമാകട്ടെ. ആ ആശയം വിജയകരമായി വിനിമയം…

നാട്യം.. രസം… പൊരുള്‍….

നാട്യശാസ്ത്രത്തിന്റെ നിയതരൂപം ഇന്ന് ലഭ്യമല്ല. പൂര്‍ണ്ണ രൂപത്തില്‍ സംരക്ഷിക്കപ്പെട്ടിട്ടില്ല എന്നതു തന്നെ കാരണം. നാട്യം സംബന്ധിച്ച അറിവുകള്‍ ഇന്ന് ഏഷ്യയിലെ പലയിടങ്ങളിലായി ചിതറിക്കിടക്കുകയാണ്. ഇന്ത്യയിലുടനീളമുള്ള കലാവിദഗ്ദ്ധരുടെ കൈവശം അവശേഷിക്കുന്ന അറിവ് കണ്ടെത്തി കഴിവിന്റെ പരമാവധി പ്രായോഗിക തലത്തിലെത്തിക്കാനുള്ള ശ്രമത്തിന് തിരുവനന്തപുരത്ത് തുടക്കമാവുകയാണ്. മോഹന്‍ലാലിനെയും മുകേഷിനെയും അരങ്ങിലെത്തിച്ച ഛായാമുഖിയുടെ സൃഷ്ടാവ് എന്ന നിലയില്‍ ശ്രദ്ധേയനായ നാടകപ്രവര്‍ത്തകനും പ്രിയ സുഹൃത്തുമായ പ്രശാന്ത് നാരായണനാണ് ഈ ഉദ്യമത്തിനു നേതൃത്വം നല്‍കുന്നത്. നാട്യശാസ്ത്രം പഠിച്ചുകൊണ്ടുള്ള തുടക്കം. ….read more

പ്രായത്തിനേകുന്നു പുതുജീവന്‍

40 വയസ്സ് വല്ലാത്തൊരു പ്രായമാണ്. അതുവരെയുള്ള കെട്ടുപാടുകളെല്ലാം വലിച്ചെറിഞ്ഞ് പുതിയ മേച്ചില്‍പ്പുറങ്ങള്‍ തേടാന്‍ പ്രേരിപ്പിക്കുന്ന പ്രായം. ആ പ്രേരണ ഉള്ളിലൊതുക്കുന്നതില്‍ ചിലരെല്ലാം വിജയിക്കും. ഒതുക്കാന്‍ പരാജയപ്പെടുന്നവര്‍ സ്വയം മാറുകയോ മാറ്റങ്ങള്‍ക്കു കാരണക്കാരാവുകയോ ചെയ്യും. മാറ്റമില്ലാത്തത് മാറ്റത്തിനു മാത്രമാണല്ലോ! രണ്ടു സുഹൃത്തുക്കളാണ് ഇപ്പോള്‍ ഈ ചിന്ത ഉണര്‍ത്തിവിട്ടത് -പ്രായഭേദമന്യേ എല്ലാവര്‍ക്കും ‘പുത്രന്‍’ ആയ ബി.ആര്‍.ബ്രഹ്മപുത്രനും ഷിറാസ് എന്ന എന്‍.ഷിറാസ് ബാവയും. ഈ ചങ്ങാതിമാര്‍ ചിന്തയിലേക്കു കയറിവരാന്‍ കാരണമായത് അവരുടെ പുതിയ സംരംഭമാണ്. ഇതിലേക്കെത്തുന്നതിനായി പുത്രന്‍ ബഹുരാഷ്ട്ര കുത്തക കമ്പനിയിലെ…

മഞ്ചലുമായി മരണം മുന്നില്‍

മരണം വാതില്‍ക്കലൊരു നാള്‍ മഞ്ചലുമായ് വന്നു നില്‍ക്കുമ്പോള്‍… ഔദ്യോഗിക ജീവിതത്തിന്റെ ഭാഗമായി കടലുണ്ടി തീവണ്ടി ദുരന്തത്തിലെ കൂട്ടമരണമടക്കം ഒട്ടേറെ അന്ത്യകര്‍മ്മങ്ങള്‍ റിപ്പോര്‍ട്ട് ചെയ്തിട്ടുണ്ട്. മരണം കണ്ടു മടുത്തു എന്നു പറഞ്ഞാലും തെറ്റില്ല. എന്നാല്‍ മരണത്തെ ഇത്രമാത്രം അടുത്തറിഞ്ഞ, അനുഭവിച്ച സന്ദര്‍ഭം ഇതിനു മുമ്പ് ഉണ്ടായിട്ടില്ല തന്നെ. കാലിലെ പെരുവിരലില്‍ നിന്ന് വല്ലാത്തൊരു തരിപ്പ് മുകളിലേക്ക് അരിച്ചുകയറുന്നു. 43 -45 വയസ്സ് എന്നു പറയുന്നത് മരിക്കാനുള്ള പ്രായമാണോ? പൂര്‍ണ്ണ ആരോഗ്യവാന്മാര്‍ എന്നു കാഴ്ചയില്‍ തോന്നിക്കുന്നവര്‍ പെട്ടെന്ന് കുഴഞ്ഞുവീണ് മരണത്തിന്…

ഭാരമതിതാന്തം ഭാരതാന്തം!

ബുദ്ധികൊണ്ടല്ല താനീ ആട്ടക്കഥയെഴുതിയത്, മനസ്സുകൊണ്ടാണെന്ന് പ്രശാന്ത് പറയാറുണ്ട്. യുദ്ധത്തിനെതിരായ സന്ദേശവും സ്ത്രീപക്ഷ നിലപാടുമുള്ളതാണ് ഈ കഥകളി. ഗാന്ധാരി ആദ്യമായി അരങ്ങിലെത്തിയത് ഭാരതാന്തത്തിലൂടെയാണ്. ഒരു കഥാപാത്രം കണ്ണുകെട്ടി രംഗത്തെത്തിയ ആദ്യ കഥകളിയും ഇതുതന്നെ. ചിട്ടകളില്‍ നിന്നു മാറി ഒരു കഥാപാത്രം സദസ്സിനോടു നേരിട്ടു സംസാരിക്കുന്ന ഭാരതാന്തത്തില്‍ നാടകീയത ഏറെയാണ്. ഇന്ന് നാടകകൃത്തും നാടകസംവിധായകനുമായ പ്രശാന്ത് ഈ കഥകളിയില്‍ നാടകീയത വിദഗ്ദ്ധമായി സംയോജിപ്പിച്ചിട്ടുണ്ട്. നാടകരംഗത്ത് എത്തും മുമ്പാണ് അത് സാദ്ധ്യമാക്കിയതെന്നോര്‍ക്കണം. അഭിനയപ്രധാനം എന്നതിനൊപ്പം സാഹിത്യഭംഗിയും ഭാരതാന്തത്തിന്റെ മുഖമുദ്രയാണ്. ഈ സാഹചര്യത്തിലാണ്…

സജീവിന്റെ സ്വപ്‌നം സഫലം

തൊണ്ടിമുതലും ദൃക്‌സാക്ഷിയും സജീവ് സംവിധാനം ചെയ്യാനിരുന്ന സിനിമയാണ്. പഴയ പേര് പൊന്മുട്ട. 2014ല്‍ ചിത്രീകരണത്തിനുള്ള ഒരുക്കങ്ങളെല്ലാം പൂര്‍ത്തിയാക്കിയതുമാണ്. സജീവിന്റെ ജേര്‍ണലിസം സഹപാഠി കൃഷ്ണകുമാറായിരുന്നു പൊന്മുട്ടയുടെ നിര്‍മ്മാതാവ്. ഇപ്പോള്‍ സുരാജ് അഭിനയിച്ച വേഷത്തില്‍ ഇന്ദ്രന്‍സ്. നിമിഷ സജയന്‍ ചെയ്ത വേഷത്തില്‍ ഉര്‍വ്വശി. ഇതനുസരിച്ച് കഥാപാത്രങ്ങളുടെ പ്രായത്തില്‍ ചെറിയ വ്യത്യാസമുണ്ടായിരുന്നു. എന്നാല്‍ ഷൂട്ടിങ് തുടങ്ങുന്നതിന് 6 ദിവസം മുമ്പ് അത് മാറ്റിവെയ്‌ക്കേണ്ടി വന്നു. പിന്നെ നടന്നില്ല. സിനിമ എന്നാല്‍ അങ്ങനെയാണ്. ….read more

ടിയാന്‍ പറയുന്നത് എന്തെന്നാല്‍…

തുടക്കം മുതല്‍ ഒടുക്കം വരെ അങ്ങേയറ്റം പ്രേക്ഷകശ്രദ്ധ ആവശ്യപ്പെടുന്ന സിനിമയാണ് ടിയാന്‍. ഒരു നിമിഷം ശ്രദ്ധ പാളിയാല്‍ പിടി വിട്ടുപോകും. യഥാര്‍ത്ഥ ഹിന്ദുവിന്റെയും യഥാര്‍ത്ഥ മുസ്ലിമിന്റെയും വിശ്വാസങ്ങളില്‍ ഉറച്ചുനില്‍ക്കുന്ന 2 കഥാപാത്രങ്ങള്‍ മതത്തിന്റെ പേരില്‍ കച്ചവടം നടത്തുന്ന കള്ളസംന്യാസിക്കെതിരെ നടത്തുന്ന പോരാട്ടം. ഹൈന്ദവ സംസ്‌കാരം എന്തെന്നു വരച്ചുകാട്ടുമ്പോള്‍ തന്നെ ഹിന്ദു മതത്തില്‍ നിലനില്‍ക്കുന്ന ആള്‍ദൈവങ്ങളെയും ജാതി വേര്‍തിരിവുകളെയും തുറന്നുകാട്ടാന്‍ സിനിമ ആത്മാര്‍ത്ഥമായി പരിശ്രമിച്ചിട്ടുണ്ട്. എല്ലാ മതസ്ഥരെയും അവരുടെ സ്വത്വം നിലനിര്‍ത്തി ഉള്‍ക്കൊള്ളുന്നതാണ് യഥാര്‍ത്ഥ ഹൈന്ദവത എന്ന് സിനിമ…