അവധിയുണ്ടോ… അവധി???

അവധി സന്ദേശം സൃഷ്ടിച്ചയാള്‍ ബഹുമിടുക്കനാണ്. ഒരു വാര്‍ത്ത എഴുതുന്ന രീതിയില്‍ കൃത്യമായ ഘടന പാലിച്ചിട്ടുണ്ട്. സംസ്ഥാന വ്യാപകമായി തന്നെ അവധി പ്രഖ്യാപിച്ചുകളഞ്ഞു. ഓരോരുത്തരുടെ മോഹങ്ങള്‍ വാട്ട്‌സാപ്പിലൂടെ സന്ദേശമായി പടരുന്നു. സന്ദേശം ലഭിക്കുന്നവര്‍ക്ക് ഒടുവില്‍ അത് മോഹഭംഗമാവുന്നു. ….read more

ജടായുമംഗലം

ജടായുപ്പാറയില്‍ വലിയൊരു പദ്ധതി വരുന്നു എന്ന് ആദ്യമായി കേട്ടത് ചടയമംഗലത്തെ ഒരു തട്ടുകട ചര്‍ച്ചയിലാണ്. ഏതാണ്ട് 14 വര്‍ഷം മുമ്പ്. ആ കേട്ടതിന് പദ്ധതിയുടെ രൂപം വരാന്‍ പിന്നെയും ഏറെക്കാലമെടുത്തു. ഇപ്പോള്‍ അത് പൂര്‍ത്തിയാവുന്നു, നമുക്കെല്ലാം പ്രവേശനം ലഭിക്കുന്നു എന്നറിഞ്ഞതില്‍ നിറയെ സന്തോഷം. ഒരു പതിറ്റാണ്ടിലേറെ കാലം നീണ്ട സപര്യയിലൂടെ രാജീവ് അഞ്ചല്‍ തന്റെ സ്വപ്നപദ്ധതി യാഥാര്‍ത്ഥ്യമാക്കിയിരിക്കുന്നു. സമുദ്രനിരപ്പില്‍ നിന്ന് 1,000 അടി ഉയരത്തിലാണ് ജടായുപ്പാറയിലെ ഭീമന്‍ ജടായു ശില്പം. ഇത് ലോകത്തെ തന്നെ ഏറ്റവും വലിയ…

ക്രൂരം ഈ തമാശ

പല വിധത്തിലുള്ള തമാശകള്‍ വാട്ട്‌സാപ്പിലൂടെ വരാറുണ്ട്. ഫ്രാന്‍സിസ് മാര്‍പ്പാപ്പയുമായി ബന്ധപ്പെട്ട് വന്ന അല്പം ക്രൂരമായ ഒരു തമാശ ശരിക്കും ഞെട്ടിച്ചു. ഒറ്റനോട്ടത്തില്‍ നിര്‍ദോഷമെന്ന പ്രതീതിയുണ്ടാക്കുമെങ്കിലും അത്രയ്ക്കങ്ങോട്ട് നിര്‍ദോഷമല്ലാത്ത ഒരു തമാശ. വളരെ ബഹുമാന്യമായ സ്ഥാനം വഹിക്കുന്നവര്‍ ഉള്‍പ്പെടെ ഈ തമാശ ഫോര്‍വേര്‍ഡ് ചെയ്തു തന്നതു കണ്ടപ്പോള്‍ ഞെട്ടി. കാരണം ഇത് വെറും തമാശയല്ല, വസ്തുതകള്‍ നിരത്തി അവതരിപ്പിക്കുന്നതാണ്. ആ വസ്തുതകള്‍ ശരിയാണോ എന്ന് ഫോര്‍വേര്‍ഡ് ചെയ്ത ആരും പരിശോധിച്ചില്ല. ….read more

റോഡിലും വേണം സംസ്‌കാരം

പെട്ടെന്നാണ് ആ കാറിന്റെ എഞ്ചിന് ഇരമ്പം വര്‍ദ്ധിച്ചത്. എനിക്കെന്തോ പന്തികേട് തോന്നി. എന്തോ ഉള്‍വിളി പോലെ ഞാന്‍ ചാടി മാറി. അങ്ങനെ മാറിയതും ആ കാര്‍ ചീറിപ്പാഞ്ഞു മുന്നോട്ടു പോയതും ഒരുമിച്ചായിരുന്നു. കൃത്യസമയത്ത് ചാടി മാറിയതുകൊണ്ട് എന്റെ കാലുകള്‍ ചമ്മന്തിയാവാതെ രക്ഷപ്പെട്ടു. അയാള്‍ രക്ഷപ്പെടില്ല എന്ന് ആദ്യം ഉറപ്പുപറഞ്ഞ ‘നാട്ടുകാരെ’ ഞാന്‍ നോക്കി. കുരുക്കൊഴിഞ്ഞപ്പോള്‍ അവരും സ്ഥലം വിട്ടിരുന്നു. എല്ലാവര്‍ക്കും ‘സ്വന്തം കാര്യം സിന്ദാബാദ്.’ ….read more

സ്വപ്‌നരഹസ്യം

‘അതിരാവിലെ കാണുന്ന സ്വപ്‌നം ഫലിക്കുമോ?’ -ആ ഹാളില്‍ കൂടിയിരുന്ന ഒരുപാട് പേര്‍ക്ക് ആ സംശയമുണ്ടായിരുന്നു. സ്വപ്നങ്ങളെക്കുറിച്ച് സംസാരിക്കുകയായിരുന്ന ഡോ.ദിനേശ് അസന്ദിഗ്ദ്ധമായി തന്നെ പറഞ്ഞു -‘അതിന് ഒരു ശാസ്ത്രീയ അടിത്തറയുമില്ല.’ രാവിലെ എങ്ങനെയെങ്കിലും നല്ല സ്വപ്‌നം കണ്ട് അതൊക്കെ സഫലമാക്കാന്‍ കാത്തിരുന്ന എല്ലാവരും നിരാശരായി, ഞാനും. സ്വപ്‌നങ്ങള്‍ എത്ര തരം? സ്വപ്‌നം ഉണ്ടാവുന്നതെങ്ങനെ? ദുഃസ്വപ്‌നം കാണുന്നത് എന്തുകൊണ്ട്? ചര്‍ച്ചയ്ക്കുള്ള വിഷയം സ്വപ്‌നമാണെന്ന് തീരുമാനിച്ചപ്പോള്‍ മുതല്‍ ദിനേശിനു നേരെ ചെന്ന ചോദ്യങ്ങള്‍ക്ക് അവസാനമുണ്ടായിരുന്നില്ല. ആ ചോദ്യങ്ങള്‍ക്ക് തൃപ്തികരമായ മറുപടി നല്‍കാന്‍…

ഇതിനെക്കാള്‍ ഭേദം പിടിച്ചുപറിയാണ്

ദൈവം സഹായിച്ചിട്ട് അമ്മയ്ക്ക് വലിയ അസുഖമൊന്നുമില്ല. ഇനി കള്ളം പറഞ്ഞ് മാറാരോഗമൊന്നും വരുത്തേണ്ട എന്ന് എന്റെ നിലപാട്. അഥവാ അമ്മയുടെ ആവശ്യം ഞാന്‍ അംഗീകരിച്ചാല്‍ തന്നെ അത് പ്രാവര്‍ത്തികമാക്കാനാവുമോ? ഇല്ല തന്നെ. വന്‍ ചെലവുള്ള ചികിത്സ ആവശ്യമായ രോഗത്തിന് ഒരു മെഡിക്കല്‍ സര്‍ട്ടിഫിക്കറ്റ് മാത്രം മതിയാകുമോ? ഏതെങ്കിലും ഒരു ആസ്പത്രിയിലെ ചികിത്സാ രേഖകള്‍ വേണ്ടേ? അങ്ങനെ കൊടുക്കുന്ന ‘വ്യാജ’ മെഡിക്കല്‍ സര്‍ട്ടിഫിക്കറ്റിന്റെ സാംഗത്യം പരിശോധിക്കാന്‍ എല്‍.ഐ.സി. ഒരു മെഡിക്കല്‍ ബോര്‍ഡിനെ നിയോഗിച്ചാലോ? അമ്മയ്ക്ക് രോഗമില്ലെന്നു തെളിയും. അതോടെ…

പ്രണയത്തിന് പ്രായവിലക്ക്!!

ഫ്രഞ്ച് പ്രസിഡന്റ് ഇമ്മാനുവല്‍ മക്രോണിന് പ്രായം 40. അദ്ദേഹത്തിന്റെ ഭാര്യ ബ്രിജിത്തിന് പ്രായം 64. അമേരിക്കന്‍ പ്രസിഡന്റ് ഡോണള്‍ഡ് ട്രംപിന് പ്രായം 71. അദ്ദേഹത്തിന്റെ ഭാര്യ മെലാനിയയ്ക്കു പ്രായം 47. ഈ ദമ്പതിമാര്‍ക്കിടയിലെ പ്രായ വ്യത്യാസം 24!! ഭാഗ്യം ഇവര്‍ ജീവിക്കുന്നത് കേരളത്തിലോ ഇന്ത്യയിലോ അല്ല. ആണെങ്കില്‍ ‘ബാലരമ’യില്‍ കൊച്ചുകഥ വന്നേനെ!! എ.കെ.ജിയുടെ കഥ ഇപ്പോള്‍ എഴുതിയതു തന്നെ ഇതിനുള്ള പ്രകടമായ ഉദാഹരണം. എ.കെ.ജിയും ഭാര്യ സുശീലയും തമ്മിലുള്ള പ്രായവ്യത്യാസം 25!!! #പറയേണ്ടതുപറഞ്ഞിട്ടേപോകുന്നുള്ളൂ എന്നുള്ള ഹാഷ് ടാഗ്…

റമീലയുടെ കഥ, റഞ്ചോട് ലാലിന്റെയും…

കേരളത്തെക്കുറിച്ച് വളരെ മോശപ്പെട്ട പ്രചാരണം ശക്തമായി നടക്കുന്ന സംസ്ഥാനങ്ങളിലൊന്നാണ് രാജസ്ഥാന്‍. എന്നാല്‍, കേരളം യഥാര്‍ത്ഥത്തില്‍ എന്താണെന്ന് ഇനി റഞ്ചോട് ലാലും റമീലയും രവിയും രാജസ്ഥാന്‍കാര്‍ക്ക് പറഞ്ഞുകൊടുക്കും. രാഷ്ട്രീയനേട്ടങ്ങള്‍ക്കായി നടത്തുന്ന കുപ്രചാരണങ്ങള്‍ക്കപ്പുറം മറ്റു പലതുമാണ് കേരളം എന്ന് തങ്ങളുടെ അനുഭവത്തെ അടിസ്ഥാനമാക്കി അവര്‍ പറയും. മലയാളികള്‍ക്കു മാത്രമല്ല, ഇവിടെ എത്തിച്ചേരുന്ന മനഃസ്ഥിരത ഇല്ലാത്ത അന്യനാട്ടുകാര്‍ക്കു പോലും കേരളം സുരക്ഷിതമണെന്ന് അവര്‍ പറയും. നമുക്ക് ഇങ്ങനെയാവാനേ പറ്റൂ.. അതുകൊണ്ടാണ് നമ്മള്‍ മലയാളികളാവുന്നത്… നമ്മുടെ നാട് കേരളമാകുന്നത്…. ….read more

ചൂഷണത്തിന്റെ പെണ്‍വീടുകള്‍

ഒരു ചായ കുടിച്ചാല്‍ പോലും ജി.എസ്.ടി. എന്ന ഓമനപ്പേരുള്ള ചരക്കു സേവന നികുതി ഈടാക്കുന്ന നാടാണിത്. അവിടെയാണ് ഒരു അനുമതിയും നികുതിയുമില്ലാതെ ചട്ടവിരുദ്ധമായി ‘പേയിങ് ഗസ്റ്റ്’ എന്ന ഓമനപ്പേരില്‍ ചൂഷണത്തിന്റെ പെണ്‍വീടുകള്‍ നിര്‍ബാധം തഴച്ചുവളരുന്നത്. ഓണ്‍ലൈന്‍ മുഖേന കൃത്യമായ പരസ്യം നല്‍കി അവര്‍ ആളെപ്പിടിക്കുന്നു. നിയമപ്രകാരം ഇതു തെറ്റല്ല. അതിനാല്‍ത്തന്നെ നിരോധിക്കേണ്ട കാര്യവുമില്ല. പക്ഷേ, നിയന്ത്രണം തീര്‍ച്ചയായും വേണം. നിരാലംബരായ പെണ്‍കുട്ടികള്‍ക്ക് പാര്‍പ്പിടമൊരുക്കുക എന്നത് നല്ല കാര്യം തന്നെയാണ്. പക്ഷേ, അത് അവരെ ചൂഷണം ചെയ്യാനാവരുത്. ഇത്…

ഓര്‍ക്കണം, രാംചന്ദര്‍ ഛത്രപതിയെ…

ദേരാ സച്ചാ സൗദയുടെ തലവന്‍ ഗുര്‍മീത് റാം റഹിം സിങ്ങിന് 20 വര്‍ഷം കഠിന തടവും 30,20,000 രൂപ പിഴയും പഞ്ച്കുലയിലെ സി.ബി.ഐ. പ്രത്യേക കോടതി ജഡ്ജി ജഗ്ദീപ് സിങ് ശിക്ഷ വിധിക്കുമ്പോള്‍ പൊളിഞ്ഞുവീണത് എന്തിനും പോന്ന ആള്‍ദൈവങ്ങളില്‍ ഒന്നിന്റെ മുഖംമൂടിയാണെന്ന് എല്ലാവരും പറയുന്നു. എന്നാല്‍, ഈ കോടതി വിധിയിലൂടെയാണോ ഗുര്‍മീത് സിങ് എന്ന കള്ളസ്വാമിയുടെ മുഖംമുടി പൊളിഞ്ഞത്? അല്ല തന്നെ. വര്‍ഷങ്ങള്‍ക്കു മുമ്പ് ഗുര്‍മീതിന്റെ മുഖം മൂടി വലിച്ചുകീറിയ ഒരു പാവം പത്രക്കാരനുണ്ട്. അത് ചെയ്തതിന്റെ…