പ്രണയത്തിന് പ്രായവിലക്ക്!!

ഫ്രഞ്ച് പ്രസിഡന്റ് ഇമ്മാനുവല്‍ മക്രോണിന് പ്രായം 40. അദ്ദേഹത്തിന്റെ ഭാര്യ ബ്രിജിത്തിന് പ്രായം 64. അമേരിക്കന്‍ പ്രസിഡന്റ് ഡോണള്‍ഡ് ട്രംപിന് പ്രായം 71. അദ്ദേഹത്തിന്റെ ഭാര്യ മെലാനിയയ്ക്കു പ്രായം 47. ഈ ദമ്പതിമാര്‍ക്കിടയിലെ പ്രായ വ്യത്യാസം 24!! ഭാഗ്യം ഇവര്‍ ജീവിക്കുന്നത് കേരളത്തിലോ ഇന്ത്യയിലോ അല്ല. ആണെങ്കില്‍ ‘ബാലരമ’യില്‍ കൊച്ചുകഥ വന്നേനെ!! എ.കെ.ജിയുടെ കഥ ഇപ്പോള്‍ എഴുതിയതു തന്നെ ഇതിനുള്ള പ്രകടമായ ഉദാഹരണം. എ.കെ.ജിയും ഭാര്യ സുശീലയും തമ്മിലുള്ള പ്രായവ്യത്യാസം 25!!!

#പറയേണ്ടതുപറഞ്ഞിട്ടേപോകുന്നുള്ളൂ എന്നുള്ള ഹാഷ് ടാഗ് നല്ലതു തന്നെ. പറയേണ്ടത് പറയുക തന്നെ വേണം. അതില്‍ തര്‍ക്കമില്ല. പക്ഷേ, പറയുന്നത് വാസ്തവമാകണം. ഒരാള്‍ തന്നിഷ്ടപ്രകാരം നടത്തുന്ന വഴിപിഴച്ച വ്യാഖ്യാനം ഒരിക്കലും വാസ്തവമാകില്ല.

ദുര്‍വ്യാഖ്യാനത്തെ അങ്ങേയറ്റം എതിര്‍ക്കുമ്പോഴും അതിനോടുണ്ടായ പ്രതികരണ രീതി ഒട്ടും ആശാസ്യമായില്ല എന്നു കൂടി പറയണം. തുര്‍ക്കിയുവാവ് ഒരുക്കിയ കെണിയിലേക്ക് സഖാക്കള്‍ നടന്നു കയറി എന്നതാണ് സത്യം. ഒരു വിവാദമുണ്ടാക്കി ആളാവാന്‍ ശ്രമിച്ചയാള്‍ക്ക് അതിന് അനുകൂലമായ സാഹചര്യം വഴിതടയലും ചീമുട്ടയേറുമെല്ലാം സൃഷ്ടിച്ചുകൊടുത്തു.
….read more

Advertisements

മാര്‍ക്കിടുന്നവരുടെ ശ്രദ്ധയ്ക്ക്..

ഓഖി ചുഴലിക്കാറ്റിന്റെ വേളയില്‍ കേരള സര്‍ക്കാര്‍ സ്വീകരിച്ച നടപടികള്‍ക്ക് മാര്‍ക്കിട്ട് തോല്‍പ്പിക്കുന്ന തിരക്കിലാണല്ലോ എല്ലാവരും. സര്‍ക്കാര്‍ സ്വീകരിച്ച നടപടികളില്‍ പാളിച്ചയില്ല എന്ന് ആരെങ്കിലും പറഞ്ഞാല്‍ അയാളെ ഉടനെ ‘ന്യായീകരണ തൊഴിലാളി’ ആക്കും. അത്തരത്തില്‍ ‘ന്യായീകരണ തൊഴിലാളി’ പട്ടം എനിക്ക് ഉറപ്പിച്ചുകിട്ടാന്‍ പാകത്തിലുള്ളതാണ് ഈ കുറിപ്പ്.

കഴിഞ്ഞ ദിവസം മുഖ്യമന്ത്രി പിണറായി വിജയനെ കാണാന്‍ അദ്ദേഹത്തിന്റെ ഓഫീസില്‍ മത്സ്യത്തൊഴിലാളികളുടെ ഒരു വലിയ സംഘമെത്തി. വിഴിഞ്ഞത്തു നിന്നോ പൂന്തുറയില്‍ നിന്നോ മുനമ്പത്തു നിന്നോ ആറാട്ടുപുഴയില്‍ നിന്നോ അല്ല അവര്‍ എത്തിയത്. അങ്ങ് ദൂരെ തമിഴ്‌നാട്ടിലെ തൂത്തുക്കുടിയില്‍ നിന്ന്! അവര്‍ക്ക് ഒരഭ്യര്‍ത്ഥന മാത്രമേ ഉണ്ടായിരുന്നുള്ളൂ -‘കടലില്‍ എവിടെയോ കുടുങ്ങിക്കിടക്കുന്ന ഉറ്റവരെ രക്ഷിക്കണം.’
….read more

 

മുതലെടുപ്പിന്റെ ചുഴലി രാഷ്ട്രീയം

ചുഴലിക്കാറ്റ് രൂപപ്പെടുന്നതും അതിന്റെ ആയുസ്സും അത് എവിടെ രൂപപ്പെടുന്നു എന്നതുമാണ് പ്രവചനത്തെ സ്വാധീനിക്കുന്നത്. ഓഖി രൂപംകൊണ്ടത് ശ്രീലങ്കയുടെ പടിഞ്ഞാറന്‍ സമുദ്രത്തിലാണ്. ലക്ഷദ്വീപിനെ ലക്ഷ്യമാക്കിയാണിത് നീങ്ങിയത്. കേവലം ഒന്നര ദിവസം കൊണ്ടാണ് കേരള- തമിഴ്‌നാട് തീരത്ത് ചുഴലിക്കാറ്റ് എത്തിയതെന്നും വിശദീകരണം. ഇത് കൃത്യമായ പ്രവചനങ്ങളെ അസാധ്യമാക്കിയെന്ന് മുന്നറിയിപ്പ് നല്‍കാന്‍ ചുമതലപ്പെട്ട കേന്ദ്ര കാലാവസ്ഥാ നിരീക്ഷണ വകുപ്പിലെ ചുഴലിക്കാറ്റ് ജാഗ്രതാ വിഭാഗം തലവന്‍ തന്നെ പറയുന്നു. അപ്പോള്‍പ്പിന്നെ കേന്ദ്രത്തിന്റെ ഏതു മുന്നറിയിപ്പാണ് കേരള സര്‍ക്കാര്‍ അവഗണിച്ചതെന്ന ചോദ്യമുയരുന്നു. കേന്ദ്ര മുന്നറിയിപ്പ് അവഗണിച്ചതാണ് മത്സ്യത്തൊഴിലാളികളുടെ ജീവന്‍ അപകടത്തിലാക്കിയതെന്നാണ് കേന്ദ്ര ഭരണകക്ഷിയുടെ സംസ്ഥാന കക്ഷിക്കാര്‍ പറയുന്നത്. ഇല്ലാത്ത കേന്ദ്ര മുന്നറിയിപ്പ് എങ്ങനെയാണാവോ സംസ്ഥാനം അവഗണിക്കുക?
….read more

വിശ്വാസം, അതാണെല്ലാം…

താന്‍ ഒപ്പമുണ്ട് എന്ന് ജനങ്ങളെ വിശ്വസിപ്പിക്കാന്‍ എല്ലായ്‌പ്പോഴും സാധിക്കുന്നു എന്നതാണ് വി.എസ്.അച്യുതാനന്ദന്‍ എന്ന നേതാവിന്റെ വിജയം. രാഷ്ട്രീയക്കാരോട് മുഴുവന്‍ എതിര്‍പ്പ് പ്രകടിപ്പിച്ചു നില്‍ക്കുന്ന ജനതയ്ക്കിടയിലേക്ക് തികഞ്ഞ രാഷ്ട്രീയക്കാരനായ ഈ മനുഷ്യന് കടന്നു ചെല്ലാനാവുന്നത് അതിനാല്‍ത്തന്നെയാണ്.
….read more

 

ഓം ആചാരലംഘനായ നമഃ

ശബരിമല സന്നിധാനത്ത് നടന്ന ഒരു ‘ആചാരലംഘനം’ സംബന്ധിച്ച് കൊണ്ടുപിടിച്ച പ്രചാരണം ചില ചേട്ടന്മാര്‍ നടത്തുന്നുണ്ട്. സോപാനത്തിലെത്തിയ ആരോഗ്യ മന്ത്രി കെ.കെ.ശൈലജയെ ഒരു യുവതി അനുഗമിച്ചു എന്നാണ് വാദം. വാദത്തിന് ചിത്രത്തിന്റെ അകമ്പടിയുമുണ്ട്. ദേശീയ ആരോഗ്യ ദൗത്യം ചീഫ് എഞ്ചിനീയര്‍ സി.ജെ.അനിലയാണ് കഥാനായിക. വ്യാജപ്രചാരണം ശുദ്ധ വിഡ്ഡിത്തം എന്നു പ്രത്യേകം പറയേണ്ടതില്ലല്ലോ!! ഒരു സര്‍ക്കാര്‍ ഉദ്യോഗസ്ഥയുടെ പ്രായം സംബന്ധിച്ച് ഔദ്യോഗിക രേഖ അവരുടെ ഓഫീസില്‍ ഉണ്ടാവും. പ്രചാരകരില്‍ ഒരാള്‍ പോലും അതൊന്ന് അന്വേഷിക്കാന്‍ മെനക്കെട്ടില്ല. എങ്കില്‍ ഈ അബദ്ധം പറ്റില്ലായിരുന്നു.

‘ചര്‍മ്മം കണ്ടാല്‍ പ്രായം തോന്നുകയേ ഇല്ല’ -സന്തൂര്‍ സോപ്പിന്റെ പരസ്യം ഓര്‍മ്മ വരുന്നു. പാവം ചേട്ടന്മാര്‍!!! ഹിന്ദുക്കളെ മുഴുവന്‍ നാണം കെടുത്താന്‍ ഓരോരുത്തന്മാര്‍ വന്നോളും…
….read more

അമ്പു കൊള്ളാത്തവരില്ല കുരുക്കളില്‍…

പ്രതിപക്ഷത്തിരുന്നപ്പോള്‍ ഉന്നയിച്ച ആരോപണം ഭരണത്തില്‍ കയറിയപ്പോള്‍ സൗകര്യപൂര്‍വ്വം മറന്നു -എല്‍.ഡി.എഫിനെക്കുറിച്ച് അടുത്തിടെ ശക്തമായി കേട്ട ആക്ഷേപമാണിത്. ഇതിന് ശക്തമായ ഒരു മറുപടി തന്നെയാണ് സോളാര്‍ അന്വേഷണ കമ്മീഷന്‍ റിപ്പോര്‍ട്ടിനുമേല്‍ തുടര്‍നടപടികള്‍ സ്വീകരിച്ചുകൊണ്ട് പിണറായി സര്‍ക്കാര്‍ നല്‍കിയിരിക്കുന്നത്. നടപടി രാഷ്ട്രീയപ്രേരിതമാണോ അല്ലയോ എന്നുള്ള ചര്‍ച്ചകള്‍ക്കിടയിലും യു.ഡി.എഫ്. പ്രതിരോധത്തിലായി എന്നു പറയാതെ വയ്യ. ‘അമ്പു കൊള്ളാത്തവരായി ആരുമില്ല കുരുക്കളില്‍’ എന്നു പറഞ്ഞ പോലുള്ള അവസ്ഥ!!
….read more

ജനങ്ങള്‍ പൊറുക്കില്ല, ഉറപ്പ്…

2017 സെപ്റ്റംബര്‍ 23ന് അന്താരാഷ്ട എണ്ണവില വീപ്പയ്ക്ക് 50.50 ഡോളര്‍, ഇന്ത്യയില്‍ പെട്രോളിന് വില ലിറ്ററിന് 74.39 രൂപ, ഡീസലിന് വില ലിറ്ററിന് 63.96 രൂപ!! ഇപ്പോഴത്തെ എണ്ണവിലയെ വേണമെങ്കില്‍ 2007ലെ അവസ്ഥയുമായി താരതമ്യം ചെയ്യാം. അന്ന് അന്താരാഷ്ട്ര വിപണിയില്‍ എണ്ണവില ഇപ്പോഴത്തേതിനു സമാനമായി വീപ്പയ്ക്ക് 52.62 ഡോളര്‍. ഇന്ത്യയിലെ പെട്രോള്‍ വില ലിറ്ററിന് 42.90 രൂപയും ഡീസലിന് വില ലിറ്ററിന് 30.80 രൂപയും മാത്രം. ഡോളറിനെതിരെ രൂപയുടെ വിലയിടിവ് കൂടി പരിഗണിച്ചാല്‍ പരമാവധി 5 രൂപ കൂട്ടി ഇപ്പോഴും പെട്രോള്‍ -ഡീസല്‍ വില്പന നടത്താം. എന്നാല്‍, അന്നത്തേതിനെ അപേക്ഷിച്ച് പെട്രോളിന് 31.49 രൂപയും ഡീസലിന് 33.16 രൂപയും ഇപ്പോള്‍ അധികം ഈടാക്കുന്നു. മന്‍മോഹന്‍ സിങ്ങല്ല നരേന്ദ്ര മോദി എന്നതു വ്യക്തം! തീവെട്ടിക്കൊള്ള തന്നെ!!
….read more