ലോകത്തിന്റെ നെറുകയില്‍…

ഐ.സി.സി. അണ്ടര്‍ 19 ലോകകപ്പ് ഫൈനലില്‍ കളിക്കാനിറങ്ങും മുമ്പ് ഓസ്‌ട്രേലിയന്‍ കോച്ച് റയന്‍ ഹാരിസ് പറഞ്ഞിരുന്നു, ഇന്ത്യയ്ക്കാണ് കിരീടസാദ്ധ്യത കൂടുതലെന്ന്. ടൂര്‍ണ്ണമെന്റില്‍ കൂടുതല്‍ ആധികാരികമായ പ്രകടനം കാഴ്ചവെച്ചത് ഇന്ത്യയാണെന്ന കാരണത്താലാണ് എതിരാളികളുടെ പരിശീലകന്‍ ഇതു പറഞ്ഞത്. ഹാരിസിന്റെ വിശകലനം തെറ്റിയില്ല. തീര്‍ത്തും ആധികാരികമായിത്തന്നെ ഇന്ത്യ തങ്ങളുടെ നാലാം ലോക കിരീടമണിഞ്ഞു, റെക്കോര്‍ഡ്!! ഓസ്‌ട്രേലിയയാണ് ജയിച്ചിരുന്നതെങ്കില്‍ അവര്‍ക്കും നാലാം കിരീടം തന്നെയാവുമായിരുന്നു. അവരെ തന്നെ മറികടന്നുള്ള ഈ നേട്ടത്തിന് മധുരമേറെ.
….read more

Advertisements

പാകിസ്താന്‍ പപ്പടപ്പൊടി!!

ചിരവൈരികളുടെ പോരാട്ടം എന്നതിലുപരി എല്ലാ കളിക്കാരും എല്ലാ അടവുകളും പുറത്തെടുക്കുന്ന നല്ല മത്സരം -അതാണ് ഇന്ത്യയും പാകിസ്താനും ക്രിക്കറ്റ് മൈതാനത്ത് മുഖാമുഖം വരുമ്പോള്‍ സംഭവിക്കുന്നത്. ഏതു തലത്തിലായാലും അത് അങ്ങനെ തന്നെയാണ്. അണ്ടര്‍ 19 ലോകകപ്പ് ക്രിക്കറ്റിന്റെ സെമി ഫൈനല്‍ മത്സരം കാണാനിരുന്നതും ആ പ്രതീക്ഷയുടെ പേരിലാണ്. എന്നാല്‍, പ്രതീക്ഷകളെല്ലാം തകര്‍ന്നടിഞ്ഞു എന്നു പറഞ്ഞാല്‍ മതിയല്ലോ.

പാകിസ്താന്‍ തോറ്റ് തുന്നംപാടി. പപ്പടം പൊടിക്കുന്ന പോലെയാണ് ഇന്ത്യക്കാര്‍ അവരെ തകര്‍ത്തുകളഞ്ഞത്. ദയനീയം എന്നു പറഞ്ഞാല്‍ പോരാ അതിദയനീയം. മത്സരം ഒരു ഘട്ടത്തിലും ആവേശമുണര്‍ത്തിയില്ല. പാകിസ്താനെ തോല്‍പ്പിച്ചു എന്നത് ഇന്ത്യക്കാരന്‍ എന്ന നിലയില്‍ അതിയായ ആഹ്ലാദം പകരുന്നു. പക്ഷേ, ഒരു ക്രിക്കറ്റ് പ്രേമി എന്ന നിലയിലുള്ള അഭിപ്രായം ഇതാണ് -പാകിസ്താന്‍ ഇങ്ങനെ തോല്‍ക്കേണ്ടിയിരുന്നില്ല.
….read more

കീഴടക്കാന്‍ അഫ്ഗാനികള്‍ വരുന്നു…

രാഹുല്‍ ദ്രാവിഡ് പരിശീലിപ്പിക്കുന്ന ഇന്ത്യ ഏതുവരെയെത്തി എന്നറിയാനാണ് ചാമ്പ്യന്‍ഷിപ്പിന്റെ വിശദാംശങ്ങള്‍ പരതിയത്. എന്നാല്‍, അഫ്ഗാനിസ്ഥാന്‍ ശരിക്കും ഞെട്ടിച്ചു. പാകിസ്താന്‍, ശ്രീലങ്ക, അയര്‍ലന്‍ഡ് എന്നിവര്‍ക്കൊപ്പം ഡി ഗ്രൂപ്പിലാണ് അവരുടെ സ്ഥാനം. ടൂര്‍ണമെന്റ് തുടങ്ങും മുമ്പ് ഈ ഗ്രൂപ്പില്‍ നിന്ന് ക്വാര്‍ട്ടറിലേക്ക് ആരു മുന്നേറും എന്നു ചോദിച്ചിരുന്നുവെങ്കില്‍ ഉറപ്പായും ഞാന്‍ പറയുക പാകിസ്താനും ശ്രീലങ്കയും എന്നാണ്. എന്നാല്‍, ഇന്ന് അതല്ല കഥ.

കളിച്ച 2 മത്സരങ്ങളും ജയിച്ച അഫ്ഗാനിസ്ഥാന് 4 പോയിന്റുണ്ട്. തോല്പിച്ചത് ആരെയൊക്കെ എന്നറിയണ്ടേ? പാകിസ്താനെയും ശ്രീലങ്കയെയും. ഇനി അയര്‍ലന്‍ഡിനെതിരെ ഒരു മത്സരം ബാക്കിയുണ്ട്. ഇപ്പോഴത്തെ നിലയില്‍ അതും ജയിക്കാനാണ് സാദ്ധ്യത. ഇപ്പോള്‍ത്തന്നെ അഫ്ഗാനിസ്ഥാന്‍ ക്വാര്‍ട്ടറി ഉറപ്പാക്കിക്കഴിഞ്ഞു.
….read more

 

നെഹ്‌റാ ജീ…

സച്ചിന്‍ തെണ്ടുല്‍ക്കര്‍ക്കു ശേഷം കണ്ട ഏറ്റവും വേദനാജനകമായ വിടവാങ്ങല്‍ എന്നാണ് ഏറെക്കാലം നെഹ്‌റയ്‌ക്കൊപ്പം കളിച്ച ജവഗല്‍ ശ്രീനാഥ് പറഞ്ഞത്. ഒരു പച്ച മനുഷ്യനെന്ന നിലയിലുള്ള വിനയം നിറഞ്ഞ പെരുമാറ്റമാണ് നെഹ്‌റയെ എല്ലാവരുടെയും സ്‌നേഹത്തിനു പാത്രമാക്കിയത് -നെഹ്‌റാ ജി ആക്കിയത്. നെഹ്‌റ തീര്‍ച്ചയായും വലിയ കളിക്കാരനല്ല. പക്ഷേ, അങ്ങേയറ്റം മാന്യനായ കളിക്കാരനാണ്, മനുഷ്യനാണ്. വിരമിക്കലിനെക്കുറിച്ച് നെഹ്‌റ പറഞ്ഞ വാക്കുകള്‍ അദ്ദേഹത്തിന്റെ വ്യക്തിത്വം വ്യക്തമാക്കുന്നു.സച്ചിന്‍ തെണ്ടുല്‍ക്കര്‍ക്കു ശേഷം കണ്ട ഏറ്റവും വേദനാജനകമായ വിടവാങ്ങല്‍ എന്നാണ് ഏറെക്കാലം നെഹ്‌റയ്‌ക്കൊപ്പം കളിച്ച ജവഗല്‍ ശ്രീനാഥ് പറഞ്ഞത്. ഒരു പച്ച മനുഷ്യനെന്ന നിലയിലുള്ള വിനയം നിറഞ്ഞ പെരുമാറ്റമാണ് നെഹ്‌റയെ എല്ലാവരുടെയും സ്‌നേഹത്തിനു പാത്രമാക്കിയത് -നെഹ്‌റാ ജി ആക്കിയത്. നെഹ്‌റ തീര്‍ച്ചയായും വലിയ കളിക്കാരനല്ല. പക്ഷേ, അങ്ങേയറ്റം മാന്യനായ കളിക്കാരനാണ്, മനുഷ്യനാണ്. വിരമിക്കലിനെക്കുറിച്ച് നെഹ്‌റ പറഞ്ഞ വാക്കുകള്‍ അദ്ദേഹത്തിന്റെ വ്യക്തിത്വം വ്യക്തമാക്കുന്നു.

It’s always good to retire when people are asking WHY rather than WHY NOT!!

….read more

ജനങ്ങള്‍ പൊറുക്കില്ല, ഉറപ്പ്…

2017 സെപ്റ്റംബര്‍ 23ന് അന്താരാഷ്ട എണ്ണവില വീപ്പയ്ക്ക് 50.50 ഡോളര്‍, ഇന്ത്യയില്‍ പെട്രോളിന് വില ലിറ്ററിന് 74.39 രൂപ, ഡീസലിന് വില ലിറ്ററിന് 63.96 രൂപ!! ഇപ്പോഴത്തെ എണ്ണവിലയെ വേണമെങ്കില്‍ 2007ലെ അവസ്ഥയുമായി താരതമ്യം ചെയ്യാം. അന്ന് അന്താരാഷ്ട്ര വിപണിയില്‍ എണ്ണവില ഇപ്പോഴത്തേതിനു സമാനമായി വീപ്പയ്ക്ക് 52.62 ഡോളര്‍. ഇന്ത്യയിലെ പെട്രോള്‍ വില ലിറ്ററിന് 42.90 രൂപയും ഡീസലിന് വില ലിറ്ററിന് 30.80 രൂപയും മാത്രം. ഡോളറിനെതിരെ രൂപയുടെ വിലയിടിവ് കൂടി പരിഗണിച്ചാല്‍ പരമാവധി 5 രൂപ കൂട്ടി ഇപ്പോഴും പെട്രോള്‍ -ഡീസല്‍ വില്പന നടത്താം. എന്നാല്‍, അന്നത്തേതിനെ അപേക്ഷിച്ച് പെട്രോളിന് 31.49 രൂപയും ഡീസലിന് 33.16 രൂപയും ഇപ്പോള്‍ അധികം ഈടാക്കുന്നു. മന്‍മോഹന്‍ സിങ്ങല്ല നരേന്ദ്ര മോദി എന്നതു വ്യക്തം! തീവെട്ടിക്കൊള്ള തന്നെ!!
….read more

മരണത്തിലും തോല്‍ക്കാത്തവര്‍

മാധ്യമപ്രവര്‍ത്തകര്‍ക്കെതിരായ അതിക്രമങ്ങളുടെ പേരില്‍ ഏതെങ്കിലുമൊരു രാഷ്ട്രീയകക്ഷിയെ മാത്രം പ്രതിക്കൂട്ടില്‍ നിര്‍ത്തിയിട്ട് കാര്യമില്ല എന്ന് കണക്കുകള്‍ വ്യക്തമാക്കുന്നു. ഇന്ത്യന്‍ ജനാധിപത്യ സംവിധാനത്തിന്റെ ഭാഗമായി നില്‍ക്കുന്ന ഇടതുപക്ഷം മാത്രമാണ് ഇക്കാര്യത്തില്‍ വ്യത്യസ്തത പുലര്‍ത്തുന്നത്. നിലവില്‍ രാഷ്ട്രീയസ്വാധീനം കൂടുതലുള്ള ബി.ജെ.പിക്കും സംഘപരിവാറിനും സ്വാഭാവികമായും മാധ്യമപ്രവര്‍ത്തകരോടുള്ള അസഹിഷ്ണുതയിലും പങ്കാളിത്തം കൂടുന്നു. നക്‌സലുകള്‍ പ്രതിനിധാനം ചെയ്യുന്ന തീവ്ര ഇടതുപക്ഷവും ഇക്കാര്യത്തില്‍ ബി.ജെ.പിക്കൊപ്പമാണ്. അടിച്ചമര്‍ത്തലിന്റെ രാഷ്ട്രീയം ഭരണവര്‍ഗ്ഗത്തിന്റെ മുഖമുദ്രയാണ്, കൈയൂക്കുള്ളവന്റെയും. ചിലയിടത്ത് ഭരണകൂടത്തിനാണ് കൈയൂക്കെങ്കില്‍ മറ്റു ചിലയിടത്ത് നക്‌സലുകളെപ്പോലുള്ള സമാന്തര ഭരണകൂടത്തിനാണ് കൈയൂക്ക്.
….read more

 

2,000 രൂപയുടെ ‘ജന്മി’?!

2,000 രൂപ നിക്ഷേപത്തിന് 1 വര്‍ഷത്തെ ബാങ്ക് പലിശ 4 ശതമാനം നിരക്കില്‍ കിട്ടുന്നത് 80 രൂപ!
2,000 രൂപ വായ്പയ്ക്ക് 1 വര്‍ഷത്തെ ബാങ്ക് പലിശ 15 ശതമാനം നിരക്കില്‍ കൊടുക്കേണ്ടത് 300 രൂപ!!
2,000 രൂപയ്ക്ക് ഭക്ഷണം കഴിച്ചാല്‍ സേവനനികുതി 18 ശതമാനം നിരക്കില്‍ ഈടാക്കുന്നത് 360 രൂപ!!!

ദിന്‍ ബഹുത് അച്ഛെ ഹൈ ഭായിയോം…
….read more